البارت 37:

قاطعني صوت تلفوني..
لقيتها سارة..ماعرفت كيفاش حتى جاوبتها واخا مقلق من راسي...جاوبت سارة..ومن كلامي معاها..حسات بيا مقلق..وهي تطلب مني نخرجو..
ماعرفت كيفاش لقيت راسي..غادي لعندها....لقيتها كتسناني فالبلاصة ديال ديما..والضحكة فوجهها ركبات حدايا..وبقات كتشوف فيا..
-أستاذ مالك مقلق؟حسيت بك من صوتك ماشي هو هداك...
-ماغتيقيش الى قلت ليك ما عرفت كيفاش جيث لعندك..
صافي يالله هبط...
-كيفاش نهبط؟
-غير هبط يالله..
هبطت من الطموبيل..وهي تجي جلسات بلاصتي..
-شنو كديري؟
-طلع بلاصتي وغتشوف..
درت بكلامها..وهي ديماري الطموبيل..
-عندك رخصة..
ضحكات ليا وهي كتشوف قدامها..
-فين غنمشيو دبا مدموزيل سارة!؟
-هممم ماعرفتش نخليو الطريق تدينا فينما بغات..
بقينا كندورو..طلعنا لاكادير اوفلا..وهي تصب الشتاء..وحنا نبقاو لداخل ديال الطموبيل..
-الله على جو شحال زوين!!
-سبحان الله اكادير ديما هكا..فالنهار كيدوزو فصول السنة كلها..
-أستاذ بغيت نسولك..انت ماشي من هنا؟
-لا انا من العيون!
-الله شحال كنحماق على صحراوى!لبسهم وتقاليدهم..كيحمقو..
-دعي الله يجيب لك شي راجل صحراوي..
شافت فيا وبدات كضحك:-آميييين..علاش لا!
-مالك جاك البرد نرجعو؟
-شوية وصافي..ولكن انا مزال مابغيت نمشي للدار..
-صافي هاكي..جاكيت ديالي لبسيها بلا مانوحل فيك ملي تمرضي..
-واخا الشاف..
--------------
ملي خرج خليل..خديت نمرة ديال السيد..وانا نتاصل بيه دار معايا نتلاقاو بعد ساعة فواحد الكافي..
داكشي لي درت..عطيت العنوان لمول الطاكسي..وداني ليه..لقيت السيد كيتستاني.بالمواصفات لي عطاني...كان راجل في الثلاثينات..لقيتو كيكمي..وكيشرب قهوة كحلة..
-السلام عليكم..انا تانيلا..
-متشرفين انا علي القاسمي..
-متشرفين..مهم جيت نشوفك..باش نتفاهمو على الموضوع ديال الكتاب ديالي..
-مدام تانيلا ماغنكذبش عليك..كيف قلت لراجلك..كتاباتك رائعة..والقصة جميلة..انما مافيهاش عنصر الاثارة لي تخلي الشباب اعجبو هاد النوع..راك عارفة هاد الايام الموضة لي كاينة..فالافلام و الاصدارات ديال الكتب..لازم تكون القضية شوية جريئة..لذلك..قلت لراجلك..تحاولي ضيفي بعض الامور..وتحدفي احداث اخرى..
-شنو بغيتي تقصد..نكذب في سيرتي الذاتية؟
-ممم هانتي فهمتي..زيدي فيها شي احداث جريئة..تخلق ضجة..انت عاد بديتي..والى تبعتي كلامي كوني اكيدة غادا توصلي للقمة..
-سي علي..سمح لي انا هكا عجباتني قصتي..ماشي بالضرورة..نزيد فيها شي حوايج ما مرتاحاش بهم.انا هكذا عجباتني..واكيد غادي نلقى شي حد باغي يقراها كيفما هي..
-كنتمنى لك التوفيق..شخصيا نا نقدرش ننشر شي حاجة ونغامر وانا ما عارفش واش غادي نربح فيها ولا لا..
-شكرا على وقتك...مع السلامة..
خرجت من هاد اللقاء محبطة....شحال الدنيا قاسية معايا..بقات كطيح الشتاء..وانا غادية على رجلي..تحميت تحت سقف واحد الدار..وانا نصوني على لاله فضيلة..
-سلام..لاله فضيلة..انت فالدار؟
-لا ابنتي جيت للمعهد..علاش؟
-بغيت نهضر معاك ضروري..
-شوفي سيري لداري.غتلقاي الساروت تحت الغرس لي حدا الباب..تسنايني فيها..
-واخا شكرا..
مشيت دغيا..ماكنتش نقدر ندخل للدار وانا محبطة ..واش امكن نكون ظالمة خليل..اقدر اكون عرفني غنرفض الشرط ديال علي..داكشي علاش منعني نمشي فهاد الطريق...ماعرفت هادو فاش كيفكرو بغاوني ندير دعاية لشي مواضيع مامقتانعاش بهم..قالك زيدي الاثارة..لا حول ولا قوة الا بالله..
رجعت فطاكسي..
مشيت تسنيت لاله فضيلة فدارها..حتى جات..وجابت ليا خبار كتفرح.قدرات تسجلني ونقدر نمشي من غدا..مسكينة..عذبتها معايا.شكرتها بزااف..وانا نطلع لداري..
تلاقيت مع كريمة درت بحال الى ماشفتها وانا ندخل لداري وسديت الباب...
جمعت الدار مع الاعصاب لي فيا..سيقت وقاديت البيوت..باش غدا نمشي للمعهد..
-----------
**********هذا اسبوع باش تسجلت فالمعهد..الحمد لله تلاقيت ناس واعيين..ومحتارمين .اما خليل..طول الاسبوع وحنا عايشين بحال الغرباء...بجوجنا فهمنا ان النقاش مابقاش كيفيد..
هو شاد تيقارو وانا كذلك.احتارمت كلامو لي كان قالي..
واحد النهار فقت بالليل نشرب..ملي سمعتو كيهضر فالتلفون..
من الكلام ديالو عرفتو كيهضر مع شي بنت..
درت بحال الى ماسمعت والو وانا نعس..وكمدتها فقلبي.

إرسال تعليق

يتم التشغيل بواسطة Blogger.