البارت 36:

-تانيلا اقدر البداية ديالنا بجوج ماكانتش مزيانة..ولكن كوني متاكدة انا ما نقدر نتهرب من مسؤولياتي..وانت دبا صبحتي ضمن المسؤوليات لي عليا..خصني نرعاك حيث هذا واجب عليا..مابغيتش يمشي عقلك بعيد انت عزيزة عليا..ومانقدرش نقوليك بلي كنحس شي حاجة من جيهتك..راك عرفتي هادشي من نهار اللول..
-فهمت!.
-ماتقلقيش مني..تانيلا..ومن جيهتك ما كنحس بوالو..بغيت نحتارمو بعضنا ونعيشو مع بعضنا باريحية..انا ما بغيت لا حب و لا أطفال!
-حتى انا ما مستاعداش لشي حاجة دبا..خصوصا وانا يالله قررت نرجع لقرايتي..ونحقق احلامي..
-فرحت بزاف ملي فهمتيني..هادشي لي كنت بغيت نوصل ليك من اول يوم فزواجنا..ولكن خفت ماتفهمينيش...
-لا انا فهمت كولشي..ماتحتاجش تشرح كثر من هكا..عطيني نكمل داكشي لي كتبت فالمنتدى..
-واخا بقاي غير هنا بلا ماتنعسي فالبيت لاخر بارد عليك..انا غنعس دبا..تصبحي على خير..
-أحلام سعيدة..
ملي تاكدت بلي نعس..وما بقاش غيدور عندي..
هزيت دفتري وبديت كنكتب..

**محض ذكريات نسجتها الأيام و الليالي
أعاني فمن يعرف حق معاناتي
أطلب الإعانة فمن يلبي طلبي
أطلال مهجورة أنا فمن يرثى لحالي
تعبت من كتمان سري تعبت من أحزاني
أنا هنا أصرخ و أنادي فمن يلبي ندائي
عذبوني،عذبوني،عذبوني
فما استجاب لي إخواني****
Ömëy Farssi
----حتى ساليت..وانا نتعصب قطعت الورقة ورميتها..واخا بقيت نصف ساعة كنكتب هاد السطور..حسيت بلي ماكانش عليا نقطعها..كيفما كان الحال..هادشي باش حسيت كتبتو!نكذب حتى على راسي..مايمكنش...
دخلت تحت المانطة كان الجو بارد بزاف..شفت فالساعة كانت 1ديال الليل..وانا نعس.وكنطلب ربي غذا يسمعني أخبار زوينة..من عند خليل ولا من عند لاله فضيلة..
مابقى عندي هدف من غير قرايتي..ربما نحقق بيها شي حوايج يفرحوني في المستقبل..
-------حليت عيني الصباح..لقيت الساعة 8..كان فيا النعاس لدرجة كاع مافقت نصلي الفجر..
رجعت غمضت عيني وانا نحلهم..
خليل مزال هنا.....بقيت كنحركو باش افيق..
-خليل..خليل..
-هممم..مزال الحال غير نعسي..الليل كلو وانت كتهضري..لهاد الدرجة هازة الهم..
-واخا اوا عنداك تعطل..
رجعت نكمل نعاسي..
-------
طول النهار وانا كنتسنى خليل اجاوبني محتاجة نعرف السيد شنو قال..حتى اني عطيتو دفتري..ربما ابغي اشوف مقتطفات من كتاباتي..جات عندي لاله فضيلة..حتى هي فرحاتني..فاش قالت لي..بلي هضرات مع شي معارف ديالها..وغادي تسجلني فواحد المعهد كيف قالت ليا مانعولش مائة بالمئة على الموهبة خاصني نقرا باش نعتمد على راسي..ملي قلت ليها بلي راجلي..حتى هو مساندني..فرحات ليا...
وانا طول النهار حاطة ايدي على قلبي كنتسنى...
والحمد لله لي توقعتو هو لي كاين..الراجل..عجبو داكشي لي كنكتب..و قبل باش اعاوني..
على اساس ان المرة الاولى ليا .غادي اقدم ليا بعد النصائح..
وطلب من خليل اتلاقى بيا..
انا نحمست بزاف..مشيت كنوجد الوراق ديالي ديال دخول المعهد..واختاريت شعبة الديكور..
اعطيت الوراق ديالي للاله فضيلو وواعداتني تمشس بنفسها توقف على امور التسجيل ديالي..
----- واحد النهار كنا انا وخليل كنتغذاو..
ملي جات زينب..وخالتي يزورونا..
دخلو ورحبت بيهم وجدت ليهم اتاي..وجلسنا كنتحدثو!!
خالتي جات باش تودعنا حيث غتمشي اليوم..وطلبات من خليل..ايديها للمحطة..سلمنا عليها..
وجلسنا انا وزينب كنهضرو...
-اوا احبيبة اش كتعاودي؟
-اش غنقوليك بزاف ما يتعاود..غادي نرجع للقراية هاد الاسبوع باذن الله..
-بصاح؟علاش انت قريتي!ولا غتعاودي من الابتدائي..؟
-لا انا الحمد لله قارية عندي الباك..
ملي عصباتني..واستفزاتني..قلت بلاتي حتى انا نعصبها..
-ونزيدك..غنولي كاتبة باذن الله!
-هههههه كاتبة ديالاش؟كتب الطبخ مثلا؟
-هههه لا الغزالة..خليل لقا ليا واحد السيد غينشر ليا واحد السيرة ذاتية..
-هممم اوا مزيان..الله اعاونك..
-ااا هاهو خليل جا..
-يالله نخليك دبا..خليل..ممكن توصلني عافاك!
-تانيلا انا راجع.. نوصل اختي ونجي..
-واخا..

-----مشيت للكوزينة..كنغسل المواعن..ساليتهم وجلست نتفرج ..
دخل خليل..
-على السلامة..وصلتيها حتال الدار؟
-اه..
-خليل اجي تشوف واحد الفيلم عاد بدا.. زوين...
ماجاوبنيش..
-مالك ياك لاباس..
-تانيلا..ماغنسمحش ليك ترجعي تكتبي مزال!!!
-شنو...
نقصت الصوت ديال التلفزة...
وانا نوقف..
-علاش؟ياك قلتي بلي غتعاوني..شنو وقع دبا ..واعدتيني..توقف بجنبي..
-مهم نساي داكشي..انا مابغيتش مرتي تدخل داك الميدان..هاديك غير هواية كيف كتقولي..تقدري تدفنيها معاك..بلاصتك فالدار..
-كنتي كضحك عليا وملي ماباغيش وما تاقش فراسك لاش واعدتيني..علاش خليتيني نحلم ونفرح ودبا تجي تهرسني..عمراتك ياك!؟
-علامن كتهضري؟
-وشكون من غيرها...اختك..
-ماتجبديش اختي على فمك..الى قلتي عليها كلمة ديال العيب راه بحالا هنتيني انا..
-ما عندكش كلمة..
خلييتو ومشيت سديت عليا البيت...تعصبت مزيان..بقيت كنضرب بالمخاد..بان ليا تلفونو فوق الطبلة..وانا نهزو..
بالزربة خديت نمرة السيد..
سجلتها عندي وانا نجلس..
-دبا نوريكم..غندير داكشي لي بغيت بموافقتك ولا لا..
-------خرجت من الدار وانا كنتفكر هضرة اختي زينب..قالت ليا بلي غتشوهنا الى ولات كاتبة..الناس غيبداو اهضرو فينا...
خصوصا ملي عرفات انها غتكتب سيرة ذاتية..يعني غتخرج اسرار دارها...والى كاع وصلات شي مرتبة ماغاديش تبقى تعطيك قيمة..
قاطعني صوت تلفوني..
لقيتها سارة..

إرسال تعليق

يتم التشغيل بواسطة Blogger.