البارت 33:

-تانيلا اجي..
بان ليا هاز الحاسوب ديالو...-نعم!!
-قربي نوريك..
-وريني من هنا!
-مالك خايفة ناكلك..
جبد ليا ايدي..وجلسني ..
ودور الحاسوب جيهتي ...
-المنتدى لي صاوب ليك أنير..ماكانش مقاد مزيان..وقلت علاش لا نكملو التصميم ديالو..
-ولكن انا ماكنعرفش نقادو..
-انا نعاونك..شمن لون بغيتي ندير ليك فالواجهة ديالو..
-هممم دير الاسود!
-واخا بلاتي انا نصاوبو..
بقيت كنشوف مرة فالحاسوب ومرة فيه..بقا كيقاد ليا الاسم ديالو..وكيوريني كيفاش نخدم فيه بسهولة..
-تانيلا جيبي ليا شي مانطة..
مشيت للبيت نجبد واحد المانطة..وهما يطيحو معاها شي وراق..بقبت كنجمعهم وهي تبان ليا واحد الورقة..ماقدرتش نتغلب على فضولي الانثوي..وحليتها..
كانت موقعة باسم جويرية..رسالة غرامية!بديت كنقراها..ماعجبنيش الحال..وتصدمت...جمعتهم بالزربة وانا ندي ليه المانطة..حطيتها ليه وعقلي عند ديك الرسالة..
-هاكي تغطاي راه يالله دوشتي..
-----------
كل ما كنحاول نبعد على تانيلا..كنلقى شي حوايج بساط كيجمعونا..
انا عارف راسي ماكنبغيهاش..انما..كيعجبني نبقاو فهاد المستوى في علاقتنا..
اكثر حاجة عجباتني هي هاد الموهبة لي عندها..خلاتني نميل ليها..كان كيصحابلي هي مجرد فتاة قروية...ماعندها لا ميولات ولا احلام...
ملي شفتها قداش متحمسة لفكرة المنتدى..بغيت نزيد نشجعها...وندير شي حاجة باش تحس براسها كدير شي حاجة..فكرت غذا..نعطي اسم المتتدى لتلاميذي..يبقاو اطالعو عليه..
-تانيلا..نمشيو نعسو دبا..
شافت فيا باستغراب..وانا نتدارك كلامي..
-بغيت نقول..انا..
-صافي فهمت..انا غنوض نجيب فراشي لهنا..سير لبيتك تنعس..
ناضت بالزربة..جابت فراشها..وكتقاد بلاصتها بعصبية..
شديتها من ايديها..
-مالك معصبة..كنظن مادرتش شي حاجة لي تخليك تعامليني هكا...لي درناها معاك..كنوحلو..
-طلق من إيدي وهضر..وأصلا مابقا ما يتقال بيناتنا..
دغيا تخشات بلاصتها وغطات وجهها..
طفيت الحاسوب وانا نوض..هزيت مخدة بعصبية وانا نصيفطها ليها لراسها..
ومشيت نعست..
لهلا كاع تهضري..
----فقت فالصباح بكري..وانا نخرج لخدمتي..فاخر حصة ليا..
لقيت التلاميذ واجدين..دوزنا حصة زوينة ديال كرة اليد..
ملي سالاو..جمعتهم..وقلت ليهم..
-تبارك الله عليكم..حصة دازت سليمة..بغيت نقتارح عليكم..تزورو واحد المنتدى ديال واحد الاخت ..اسمو *منتدى تانيلا*و غيعجبكم..
كنتمنى ليكم يوم سعيد..
مشيت كنجمع شي كرات..وهي توقف عليا واحد التلميذة.
-أستاذ دقيقة الى سمحتي..
-اه سارة تفضلي..انا خارج دبا..
-أستاذ..بغيت نسولك واش كتسكن في شارع النخيل..
-نعم تما كنسكن..
-اه كنت باغا غير نتاكد..حيث فايتلي شفتك فيه..
بقينا غاديين انا و سارة..حتى خرجنا من المؤسسة..سارة ونعم التلميذة..متفوقة فدراستها ونشيطة في الحصة ديالي..
تمشينا بجوج حتى وصلت لمكان فين كنحط سيارتي..
-كتسكني فحي النخيل..نوصلك؟
-هممم يعني حتى انت شفتيني!؟واخا شكرا..أستاذ..
طلعنا للطموبيل..
-أستاذ..قبيلة هضرتي لينا على شي وحدة كتكتب فشي منتدى..مهم انا عندي واحد الصديق ديالي..خدام فدار النشر.الى قدرت نعاونك بشي حاجة.
-صراحة غنكون ممتن ليك الى عطيتيني رقمو..
-واخا الى كنتي زربان عطيني رقمك..ونصيفطو لك..
كتبت ليها الرقم ديالي..وقربتها لدارهم..وانا نرجع للدار.
---
لقيت تانيلا موجدة الحوت لي جبت البارح..
ومع الخبار الزوينة لي جبت ليها..
حطات الغذاء بهدوء..وبدينا كنتغداو..
-تانيلا عندي ليك شي اخبار زوينة غتعجبك..
-خبار الخير..
-همممم خلينا نخرجو شوية هاد العشية..عندي نص نهار خاوي..نمشيو ندورو شوية..
-واخا خلينا نتغذاو بعدا..
-------------------
البارح بالليل فكرت مزيان..لقيت انني كنفقد نفسي بغير سبب..حتى واحد ماكيستاهل..نضيع الضحكة ديالي على قبلو...
الى كان خليل عايش حياتو...حتى انا غنعاملو على هاد الاساس..وغنستمتع...
ملي عرض عليا نخرجو.تحمست..مشيت لبست مزيان..درت شوية ديال الماكياج..ماباينش بزاف حيث ماكيتجبنيش..لقيتو بدل حوايجو..لبس قميجة سوداء وسروال جينز ازرق..كانت هذي اول مر نشوفو مالابسش لباس الرياضة..شكلو مقبول..
مشينا للبحر..مكاني المفضل...
غير بدا كيبان ليا وانا نبتاسم بحال شي طفلة صغيرة..خداو ليها لعبة جديدة...
بقينا كندورو حتى لقا فين يحط الطموبيل..
ملي هبطنا..بقينا كنمشاو جنب البحر..وصلنا ل مارينا..ودخلنا لواحد الكافي..
طلب ليا عصير..وهو قهوة..وانا بقيت كنشوف فجنابي..الكافي شبه خاوية فهاد الوقت..قاطعني صوتو..-قالت ليا الواليدة كيعجبك البحر..
بديت كنبتاسم..
-اه بزاف..ماعرفت علاش..كنرتاح هنا..
حط ايديه على خدي..
-علاش ماكضحكيش بحال هكا فاش كنكونو فالدار؟
بديت كنتزنك..اش غيقولو علينا الناس دبا..حشومة...
-ياكما غتقولي ليا قليل الحياء بحال اول مرة شفتك فالبلاد..ههه..
-خليل..الناس كيشوفو فينا..
-لا حتى واحد مكيشوف.
.زول ايديه..ملي جا السرباي..وانا نتنفس..وحاولت نخبي عيني فداك الكاس ديال العصير..ونتجنب نشوف فيه..

إرسال تعليق

يتم التشغيل بواسطة Blogger.