البارت 24:

- -شوفي انا غنديك دبا عند اختي زينب..بغاتك تعاونيها فواحد العراضة غيجيو عندها صحاباتها لي ماحضروش العرس..
-ماغنقدرش نمشي معاك! حاسة براسي عيانة!
-كيفاش؟وشنو غنقول ليها!
-قول ليها اي عذر.مهم انا عيانة..ماديتها حتى فداري..وانت زايدني هم اخر!
بان ليا تصدم من الهضرة ديالي..عرفت راسي مادرت فيها ما يصلاح..وانا نبدا نتمسكن..
-والله ماقادرة نمشي.. سمحليا ولكن انا عيانة بزاف!وتابعني الشقاء هنا..
خليتو وانا نمشي..لبست بيجامتي..وبقيت كنحاول نجر البلاكار للبيت..كان اصحابلي خرج..حتى سمعتو كيقول:
-صافي غير خليه انا غندخلو للبيت..منها نيت تحطي فيه دوك الحوايج لي مشتتين تما!
ماجاوبتوش مشيت كنقاد المواعن فالكوزينة!
بان ليا مشا بدل حوايجو لبس سورفيت ديال الرياضة..وخرج..
----------
-الو اختي زينب!
-خويا..فينك..جبتي مرتك!راه تابعاني بزاف ديال الخدمة!
-اختي..تانيلا ماتقدرش تجي
-وعلاش بالسلامة؟
-ماعرفت قالت عيانة..مهم انا غنصيفط لاختي لعزيزة شي وحدة لي تعاونك..كوني هانية..وتاصلي بجويرية تعاونك!
-لهلا يخطيك عليا..هانتا راه هضرت معاها قالت ليا بلي خسرات ليها طموبيلتها..عافاك سير جيبها..
-ولكن انا فطريقي للخدمة..
-عافاك غير 10دقايق..
-واخا ميكون غير خاطرك!
قطعت وانا نمشي لحي الهدى..لقيت جويرية كتسناني..ديتها عند اختي..عجبني الحال انها ماتغيراتش فتعاملها معايا..زواجي ما بعدهاش عليا...عرفتها انسانة واعية!خصوصا ملي عاودات ليا على الشخص لي تعرفات عليه...استرجعت ثقتي فيها!!
مشيت دغيا للخدمة ديالي..
كان الجو سخون..خدمت 4 سوايع...عندي كاع تلاميذ ديال الباكالوريا..فرحت ملي قدرت ننساجم معاهم..ونحببهم في الرياضة البدنية..وخصوصا البنات..لي لاجظت انهم كيجيو للحصة ديالي بدون اي اعتراض!!
ساليت مع اخر قسم..وبقينا كنهضرو حتى خرجنا من الليسي..بان ليا الاستاذ محمد جاي جيهتنا..وهما يمشيو التلاميذ ديالي..
-اهلا..استاذ..لاباس..
-الحمد لله..شفتك دغيا انساجمتي مع التلاميذ!
-اه الحمد لله..بعقلهم!
-اوا راك شاد احسن قسم..جمعو فيه النابغة ديال المؤسسة!عندك تبارك الله..احسن تلميذين..سارة السقاط ومنير الوهبي..هما لي جابو اعلى معدلين في الجهة..
-تبارك الله..هادشي كيشرفنا..
-نعم..اوا يالله ندوزو للقهوة ديال ديما..منها نيت نتحدثو شوية على زواجك!
-وصلاتك الخبار..زيدان ما كيسكتش!
-هههههه
مشينا جلسنا فالهوة ديال ديما..محمد صاحبي و زميلي فالعمل..مطلق..هادي مدة قصيرة..
-اوا ماقلتيش ليا كيفاش حتى تزوجتي على غفلة؟
-حتى حاجة ماكنت ضارب ليها حساب..كنت جاي عندكم نخيمو فتاغازوت..فاش تقرر الامر..ماقلت والو حيث ماكنتش متحمس!
-كيفاش مامتحمسش؟ماكتبغيهاش؟
-شمن حب علاياش كتهضر! راك عارف علاياش كنت باغي نتزوج!
-اوا نصحك نصيحة..واياك تعلق بها ولا تبغيها! النساء مافيهم ثقة..سولني أنا..
-صافي اصاحبي..تانيلا ماشي من داك النوع! لنا حاس بهادشي!
-حتى انا كنت كنحس بلي مريم..غير نية ولكن..

إرسال تعليق

يتم التشغيل بواسطة Blogger.