البارت 22:

- -تانيلا!! فيييينك؟
-لبست الفولار ديالي وانا نخرج من البيت!
-نعم!
-علاش ماحليتيش ليهم ادخلو الفراش!ياك وصاتك اختي زينب!؟
-قلت حتى تجي انت!
-واش انا قلت ليك تسنايني!؟ودبا زايدين عليا الثمن..ملي عطلتيهم!
-ولكن راه مانقدرش ندخلهم وانت ماكاينش شنو غيقولو عليا الناس!
-الناس!! الناس!! شوفي راكي ماشي فالدوار.. هادي المدينة..زعما راك قارية!وواعية..دوك الافكار ديال العصر الحجري خليهم فالدوار!
-شوف الله يرحم واليديك ماتبقاش تغوث عليا..وهادوك ماشي افكار قديمة!هاديك سميتها التربية لي محال انتوما ناس المدينة واش كتع....

مشيت كنجري للبيت!
وكنبكي émoticône cry émoticône cry
------------
ماقصدتش نمد عليها ايدي!
والله ماقصدت..هي لي استفزاتني!بقيت كندور فالدار..اصلا طالع ليا الدم فالخدمة..وهي زادت عصباتني!!
سمعت الدقان فالباب..ومشيت حليت الباب!
-زينب.دخلي اختي!
-مالك..وجهك صفر..شنو وقع ليك؟ياكما وقع ليك شي مشكل فالخدمة؟
-لا والو..غير تخاصمنا انا وياها!
-شنو دارت ليك!واش كاينة شي مرا كتخاصم مع راجلها!وهما يالله تزوجو..عرفتي شنو يالله بدل ساعة باخرى..انا وجدت العشاء انير مابقا ليه والو يجي!
-انا غنموت بالجوع!شفتي اختي هاد الحالة لي حطيت فيها راسي..
-صافي بلا ماتعصب..كتقطع ليا قلبي..يالله نمشيو..خليها دبا تبرد وتطلب السماحة!
----------
سمعت الباب ديال الدار تسد..وانا نزيد كنبكي..سمعت تلفوني كيصوني..بقيت كنشوف فالنمرة..وانا نجاوب..
-الو!
-سلام..بنتي كيف دايرة لاباس؟
-خالتي..لاباس وانت ؟اش خبار الحاج؟
-لاباس الحمد لله..وخليل لاباس عليه..كنصوني عليه تلفونو طافي!
غير سولاتني عليه.وانا نبدا نبكي..
-ياكما وقعات شي حاجة لولدي؟علاش كتبكي؟قولي ليا!
عاودت ليها كولشي..شنو دار ولدها..ماقدرتش نبقا مهدنة..
-الله يرضي عليك ابنتي..غير صبري.هادوك هما الرجال..صبري شوية!عطيه وقت يولف!
-ولكن اخالتي هو راه مد ايديه عليا..الى عرفو واليديا ماغيسكتوش!
-لا ماتقولي ليهم والو..هانتي حاولي دوزي غير هادي على وجهي!انت مولات العقل..عطيه وقت!وتقربي منو..خليل ولدي وكنعرفو حنين بحال ختو زينب!
-واخا اخالتي انا غندير بكلامك! بسلامة عليك..
-الله يرضي عليك ابنتي..كنت عارفاك بنت الناس!
-ربي يخليك اخالتي..

إرسال تعليق

يتم التشغيل بواسطة Blogger.