البارت 20:

-الو يمي؟
-تانيلا لاباس دارم(تانيلا لاباس عليك)؟
-لاباس الحمد لله اما كني(لاباس وانتوما)
-كولشي بخير..اما خليل لاباس..استميارت(اما خليل لاباس..ولفتي)؟
-ياه شوية وصافي! يمي!!
-نعم ؟
-والو صافي..تهلا سلم فايت تكمي(طهلاي .سلمي على مالين الدار)
---قطعت الخط مع الواليدة..كنت باغا نقوليها اني ماشي بخير..ومامرتاحاش ولكن شنو فجهدها دير ليا..انا يالله كملت سيمانة فداري!الى بديت كنتشكى من دبا..ماشي زوينة فحقي!لازم نصبر!نصبر!
-------
فالصباح..حاولت نفيق بكري..ونوجد الفطور..ولكن ماقدرتش!شي حاجة كتمنعي نرجع لنشاطي!
لقيت خليل فايق موجد الفطور..اليوم الاحد..
جلسنا بجوج كنفطرو!
-خليل..بغيت نقوليك شي حاجة!
-راه الدواء.مازال مانقدر نجيبو دبا..
-لا ماشي على الدواء!انا ماعاجبانيش السكنة هنا..بالليل ماكنقدرش نعس!هادو لي ساكنين حدانا ديما مصدعين الدنيا..
شفت فيه مابقاش كياكل..
-المهم انا غير قلت ليك..راه البارح بداو كي......
حط الكاس بالجهد..وبدا كيخاصم:
-واش ماتقدريش تسكتي شوية! كاين شي حد كيدوي فهادشي على الصباح! خلينا ناكلو على خاطرنا!
-صافي بالصحة والراحة..
نضت من بلاصتي وخليتو ياكل على راحتو!الى كان معصب لاش كيغوث عليا...ماقلت حتى حاجة ديال العيب..
-اعوذ بالله من الشيطان الرجيم...كاعما صليت الصبح..
مشيت باش نصلي..غير كنحط راسي فوق السجادة كيضرني وكنبقى نتخنق..ماكملت كاع الصلاة..حتى تزير عليا قلبي..جلست وبديت كنبكي بوحدي..كون عرف با للي مابقيتش كنصلي..كان غادي يعاقبني!كون عرف اني هجرت كتاب الله من نهار زواجي..كان غيفضل نبقى حداه ومانخرجش من دارنا!
بديت كنكره هاد الدار نهار على نهار..وكلما كنبغي نهضر مع خليل على هادشي كيتعصب..
حتال واحد النهار كنت جالسة كنطوي شي حوايج..ملي سمعت الدقان في الباب!
حليت الباب..
-اهلا مرحبا بك ازينب..
-شكرا..دخلي اجويرية!
-خليل كاعما كاين فالدار..مشا للخدمة..مرحبا بكم!
دخلنا للصالون..وجلسنا..
-سمحوليا الدار شوية مرونة!
-لا ماشي مشكل احبيبة..عرفناك صعيبة تولفي هادشي ديال العصري!حنا عاذرينك!
-اه انا نوض نوجد لكم الكاسكروت!
-لا بلاش حنا جينا غير نعاونوك باش ترحلي!

إرسال تعليق

يتم التشغيل بواسطة Blogger.