البارت 13:

الغذ ليه جمعت حوايجي انا و زيدان حيث حتى هو غادي لاكادير..انير حتى هو جا معانا باش اصاوب شي وراق وباش نمشي معاه اخطب اختي.
وصلنا للدار.انا وانير اما زيدان مشا لدارو..
-دخل مرحبا بك.
-مابغيتش نتقل عليك..
-لا ماتقولش هادشي حنا ان شاء الله غنكونو عائلة وحدة...
دخلت لبيتي نعست مزيان باش غذا ان شاء الله نشدو الطريق للعيون..
-----
فقت بالليل..وجدت العشاء..
مالقيتش انير فالدار..غيكون خرج..
جلست كنتفرج..دخل انير وهاز معاه البيتزا..
-على سلامتك.امدرا قاديتي الوراق؟
-اه الحمد لله.قاديتهم...انا جبت معايا العشاء اصحابلي مازال انلقاك ناعس..
-هههه لا عاد دبا فقت ومالقيت والو فالثلاجة...وانا لي باغي نضايفك البيض هههه..
-عادي اصاحبي.....
.....------الغد ليه شدينا الطريق.لي كانت طويلة...انير قليل فاش كيتكلم..باينة فيه متوتر ولكن انا كثر منو..اش غنقول للاب ديالي..
الطريق طويلة بزاف انا نسبيا مولف السفر فهاد الجو اما انير لي كل شوية كيوقفني باش نستارحو في شي بلاصة..عاد.نكملو الطريق..
فاش وصلنا لقيت الوالدة موجدة لينا كل انواع الشهيوات ورحبات بينا...ولكن حنا من كثرة العياء كان كيبان لينا احسن حاجة هي النعاس...
فقت مع صلاة المغرب فيقت انير توضينا ومشينا مع الواليد للجامع..فاش رجعنا لقينا العشاء موجود..بان ليا الاب ديالي كيسول بزاف على انير..وانا يالله سولني على الخدمة..
فرحت ملي شفتو تفاهم مع السيد..خليتهم كيتعشاو ومشيت عند الواليدة للكوزينة..
-ولدي حط ليهم هاد الصينية ديال اتاي..
-واخا ولكن فيناهيا زينب؟
-راها فبيتها..امدرا شنو قاليه باك؟
-اوا مزال ماجاوبوش ولكن بان ليا كثر بزاف من الاسئلة واقيلا كولشي غيدوز بخير..
-ان شاء الله اولدي..حتى انا بان ليا الراجل معقول..الله يكمل بخير..امتى انفرح بيك حتى انت؟
-ان شاء الله الوليدة.. اري ديك الصينية..
-----------
-الله على اتاي صحراوي..تبارك الله عليكم..
جاوبو الواليد:-بصحتك..ومرحبا بك..
-الله يبارك فيك ا سي الحاج..نتوما اهل الكرم..
بالنسبة للموضوع علاش هضرنا انا في اقرب فرصة غنجيب واليديا ونديرو خطوبة رسمية الى قبلتو..
-اوا نتشاور مع البنت ونرد عليكم..
خرج الواليد يسول زينب على قرارها..ورجع بالموافقة ديالها..
الغد ليه انير شد الطريق لاكادير..باش يخبر واليديه..وباش يوجدو يجيو..يخطبو اختي رسميا...
وانا مفروض عليا نبقى هنا حتى يجيو..
-ولدي من قبيلة وانت ساهي..فاش كتفكر؟

إرسال تعليق

يتم التشغيل بواسطة Blogger.