كاد الأستاذ أن يكون حبيبا‬, قصة,
البارت 12:

بدات جدة كتغوت وهي تغمزني مي باش نخرج..بقيت كنتصنت حدا الباب..
كاع داكشي لي سمعتو صدمني...لي فهمت منهم..ان أنير بغا يتزوج خت داك الغريب لي جا للدوار.وحتى هو بغا يتزوج بيا..جدة كتغوت قالت ليهم عمر حفيدتي ماتزوج شي واحد صحراوي..الى ماكانش امازيغي وولد العائلة ديالنا مانقبلوش بيه...
بابا وعمي كيهدنو فيها...
بيني وبينكم جدة مزال عندها تفكير زمان...بلي كل قبيلة خاصها تحافظ على دمها...
مزال نعقل على عمتي فاش كانت كتعاود.لينا كيفاش جدة مابغاتش با يتزوج مي...حيث هي من القبيلة لي حدانا..
وحيث با كان كيبغيها تحدا جدة وجدي وتزوجها..ولدبا جدة ماكتعاملش ماما مزيان.
ديما الشغل كتلوحو عليها وكدير ليها المشاكل..وماما صابرة.!!
الحاجة لي بغيت نفهمها..واش ضحاو بيا باش أنير اتزوج خت داك الراجل..
سمعت أنير كيقوليهم بلي الراجل جاوبو واختو قبلات..خاص غير حنا نجاوبوهم وغيكون الجواب القبول ان شاء الله..وبلي الى ماتزوج.هاديك لي بغا غيمشي يسكن فدارو .وماعمرو يرجع.
مامات أنير حتى هي ماعجبهاش الحال..مابغاتش ولدها يتزوج بلا ما تختار ليه..
الحاصول كولشي باغي يوفي بكلمتو ...ضرني داك الصداع فراسي..جدة ماخلات ماجبدات...جبدات الماضي ديال بابا ومي..قالت ليهم نتوما سلعة ناقصة وباغيين تمشيو البنت فطريقكم باغيين دخلو لبراني بيناتنا.. وقالت ليهم انا غاندي تانيلا..لعندي...
..
شنو!!انا نعيش مع جدة...مانقدرش....غادي تخرج مني كاع داكشي لي هازة جيهة ماما...واخا نعيش فالزربية مانمشيش عندها...ماشي حيث ماكنبغيهاش وانما حيث...غادي تبرمجني كيف بغات...عندها واحد الشخصية قوية
صراحة..هادشي عادي لكونها عاشت فزمن الاستعمار...والوقت جعلات منها انسانة صلبة. وكافحات باش تكون مرا وراجل فالدار...
داكشي لي خلا جدي يتزوج عليها جوج عيالات...
بقيت كنفكر..وانا ندفع الباب..دخلت وانا نمشي وقفت حدا با وشديت فيه..شفت فأنير..عينيه كيقولو ليا وافقي! على قبلو..ولكن انا ماغاديش نوافق على قبل شي حد...غادي نوافق على قبل نفسي...غادي نمشي من هنا...وغادي نحقق اي حاجة بغيتها فحياتي..
-صافي وافقح(صافي موافقة)
كولشي تصدم...أنير و ماما بوحدهم لي بانو ليا فرحانين...اما بابا فماقدرتش نشوف الملامح ديالو...عمي حتى هو بقا غير كيشوف..مرتو كتخنزر فيا..وجدة دورات وجهها بعيد عليا..
خرجت وخليتهم اكملو حديثهم..مشيت للزيبة..وبقيت كنلعب مع العجل وفيا واحد الخلعة فشكل...الخوف من المجهول!! ماغنكونش انا اول وحدة لي غنخرج على المألوف..
جا عندي أنير..فرحان..
-شكرا..
-علاش شكرا؟انا درت غير داكشي لي بان ليا صحيح!
-شوفي ماغتندميش..كون ما كانو ناس مزيانين.ماغاديش نقرر نخطب اختو..
-لهلا يحاشمنا...
-هاكي هذا قبل ما ننسى..هذا باش تولي دخلي للمنتدى لي صاوبت ليك..
-شكرا...ولكن ماعنديش حاسوب..
-دبا يكون عندك..
شديت الورقة خبيتها..هادي اول خطوة..باش نخرج.كتاباتي للوجود...هزيت الدفتر من بلاصتو وبديت كنكتب...كتبت صفحة كاملة...وانا نحبس..ملي سمعت صوت مي كتعيط..
-------
يالله كان عندي أنير..قالي بلي مالين الدار وافقو حتى هوما..هزيت تلفوني صونيت على الواليدة..خبرتها بالموضوع ديال زينب..واخا هي فراسها..قالت ليا بلي خاص الراجل يدوي مع باك ..اما من جهتها هي راها موافقة!!
قطعت وعطيت نمرت الواليد لانير..بان ليا مخلوع ولكن انا شجعتو..حيث الاب ديالي..متفهم..
-انا خايف غير مايقبلش حيث انا أمازيغي..
-لا اصاحبي..شفتي ملي قبلات اختي زينب..ماتخافش..راك معارفش اختي شحال عزيزة على الواليد..ماغاديش اخسر ليها خاطرها..
مشا انير وجلست كنفكر..انا لدبا مازال ماقلت ليهم والو على زواجي...ماخايفش على زواجي انا قدما خايف لا نفرق اختي لي بانت ليا فرحانة و أنير لي انا تايق بلي غادي يسعد اختي.....

إرسال تعليق

يتم التشغيل بواسطة Blogger.