كاد الأستاذ أن يكون حبيبا‬, قصة,
البارت 11:

-عرفتو يالله معايا للدار نتجمعو على كويس ديال اتاي ونتحدثو!

دخلنا للدار جلسنا..
-يالله اسي انير..اش حب الخاطر!
-فالحقيقة انا انسان معقول غنجيك من اللخر..أنا البارح شفت اختك!وبغيت نتقدم ليها..
شفت فزيدان وحتى هو شاف فيا مصدوم..
-واش متاكد؟يعني بهاد السرعة ؟
-كيف قلت ليك..انا كنبغي المعقول..وداكشي لي حسيتو قلتو ليك..
-صراحة صدمتيني!واش عارف علاش جاي حتى انا!
-مرحبا بك..ان شاء الله حاجتك مقضية!
-أنا جيت نخطب بنت عمك!...
فاش قلتها ليه بدا يضحك..
-صراحة صدفة زوينة هادي!! أنا غنوض دبا نكلم ليك عمي وهضر معاه!
ناض وخلانا عاد أنا حسيت بلي الكرة لحتها مابقا فين نتراجع...خفت شوية..زيدان كيشجع فيا بعينيه..
دخل سي العربي وانير والاب ديالو..
-مرحبا سي خليل..
-بارك الله فيك..
-يالله قال ليا أنير بلي باغي تهضر معايا!
-نعم..أنا جايب خبار الخير..باغي نخطب بنتك على سنة الله ورسوله..
-اوا اولدي أش غنقوليك..ملي قالي أنير بلي باغي اختك.. أنا استغربت..وهادشي عادي..راك عارف حنا من جوج بلايص مختلفين..
-فهمتك !
هضر انير:-ولكن هادشي ماشي مهم ..خليونا نتشاورو مع المعنيات بالامر..
-ماقلتو عيب..حنا من جيهتنا نشوفو البنت..وانتوما سولو بنتكم.
شربنا اتاي..وخرجنا.
-خليل كيفاش غدير تقولها لختك؟
-والله ماعرفت حرت!كيبان لي نشوف شي بلاصة اخرى..
-اشنو كتقول.. راه الزواج ماشي لعب..
-انا غنتاصل بيها..واخا عارف شنو غتقول..
جبدت التلفون..وانا نتاصل...-الو زينب لاباس عليك؟
-لاباس وانت..بيك شي حاجة..حسيت بيك مشطون!
-راك عارفة نفس الموضوع..ولكن انا تاصلت بك على قبل موضوع اخر!.
-اشنو كاين؟
-اختي عرفتي أنير .لي كان معايا البارح؟
-اه مالو؟
-طلب ايديك..
سكتات..
-زينب..شنو قلتي؟
-لي بان ليك اخويا..انا كنتيق بك..
-زعما موافقة؟
-الى بان ليك يصلاح ليا انا ماعندي مانزيد..
-واخا اختي بالسلامة..من بعد ونهضرو!
كنت كنظن انا اختي ماغتقبلش ولكن انها تاقت بيا وخلات لي نتكلف زادت كبرات فعيني..فاش قلتها لزيدان .قالي أنها اشارة خير..ربي بدا كيسر الامور..ولكن انا لي شاطن بالي هو الاب ديالي..بزاف ديال الامور كدور لي فراسي..كلها مزاحمة فدماغي....حطيت راسي وانا نعس..
----------
-تانيلا اشكيد(اجي)*
عيط ليا بابا لبيت لقيتو جالس هو و مي..جلست حداهم..
-تانيلا..هاتي اخطبكمين يان غساد(راه خطبوك من عندي اليوم)
حدرت راسي..وهي تهضر مي..
-نرا انسن استوافقت ند اهو(بغينا نعرفو واش موافقة ولا لا)
-اناياك اباين ا بابا(لي بان ليك ابابا)
قلتها وخرجت..ماكنحملش نتحط فهاد المواقف المحرجة!..انا امر زواجي خليتو بين ايدين واليديا حيث هما غيعرفو مصلحتي..داكشي علاش كاع هادوك لي خطبوني ولي جابتهم جدة ماوافقوش عليهم ملي كان فعمري 15سنةوهي باغا تزوجني..وحيث انا عارفة واليديا مزيان ماغاديش ازوجوني بشي واحد جاي من طرف جدة..
مشيت تكيت حدا سارة.
-سارة ماغتيقيش شنو قاليا بابا دبا؟
-اشنو؟
-قاليك شي واحد خطبني!
-بصاح؟وشكون هذا وشنو كيدير؟
-والله ماعرفت انا ماقدرتش نسول..خرجت كنجري باش نقولها ليك..
-ولكن خاصك تسولي عليه..راك غتزوجي بيه انت!.
-ماعرفت انا نصلي صلاة الاستخارة بحال كل مرة..وربي معايا..
-تانيلا..ممكن ماتقولو والو قدام ماما حتى نمشيو!راك عارفة الى قلتوها ليها دبا غادي تقلق خصوصا وهي باغاك لخويا..
-واخا انا غنقولها لمي باش تخلي الموضوع حتال من بعد..
-يالله خليني نعس راه غذا تابعاني الطريق..
-واخا احبيبتي تمنسيوين..
-----
-سارة فيقي خلاص..
-شوية ونوض..
-راه فاقو كيفطرو..
مشيت غسلت وجهي..وجلست مع مالين الدار كنفطرو..انير غير كيشوف فيا..ماعرفت شنو مخبي ثاني..جات سارة..فطرات..
ناضت ماما..جابت شوية ديال العسل الحر واللوز والشريحة جمعاتها لعمتي..
أنير جاب الطوموبيل حتى حدا الدار..باش يحطو الحوايج ديالهم فيها..
يالله خرجنا نودعوهم..كيبان لي عمي لاخر جاي ومعاه جدة. وما أدراك ما جدة!!! كلنا تصدمنا...جدة مريضة ومع ذلك جات تشوف بنتها..ماقدراتش تسنى حتى تجي لعندها...جات كتغوت:-اوهو غير سير نيت..بلا تزريت مام(لا غير سيري نيت بلا ماتشوفي مك)
باست ليها عمتي راسها:-اوهو حاشا ايمي..
-سارة اوراديدي تسلمت (سارة ماغتسلميش عليا)؟
سلمات عليها سارة..وحيث عمتي زربانة..قالت لجدة تديها معاها للدوار لاخر منها نيت تشوف عمامي لخرين..باش تجلس معاهم شوية..وتمشي تسافر..ولكن جدة حلفات لا تحركات من هنا..قالت ليها غير سيري حتى وكان ترجعي مرة اخرى....
انا دغيا فهمتها..جدة جاية على شي حاجة مهمة! الله يخرج هاد الزيارة على خير..
عنقت سارة وبكيت حيث غادي نتوحشها بزاف..واعداتني تصيفط ليا تلفون ملي توصل باش نبقاو نتواصلو..
مشاو وحنا دخلنا للدار .كولشي كيتسنى شنو غتقول جدة..
-اشكيد ايلي تانيلا ستامانو!(اجي ابنتي تانيلا حدايا)
شفت فمي وبا ومشيت جلست حداها!
-هي ترام اتستاهلم تافروخت(هي بغيتو تزوجو البنت)؟
حتى واحد.ما جاوبها..وهي تكمل..
-سميت سيان اصحراوي(بمن بصحراوي)
انا مافهمت والو..بقيت غير.كنشوف فيهم..
وهو يهضر با:-اورتا نقرر والو(مازال ماقررنا حتى حاجة)

إرسال تعليق

يتم التشغيل بواسطة Blogger.