كاد الأستاذ أن يكون حبيبا‬, قصة,
البارت الثامن:

----- خليت العيالات عند عيشة مجموعات..وكيغسلو البنيتة...رجعت للدار حيث غنلقا با جا وكيتسنا الكاسكروت..سمعت الضحكة ديالو من الباب ..دخلت لبيتي لقيت سارة ناعسة...وانا لي خرجت من الصباح ونسيتها..
مشيت صاوبت اتاي وهزيتو دخلت للبيت فاش كنجلسو.وانا نتصدم...كان با وعمي وانير و داك الراجل الغريب.
رجعت خرجت وهو يخرج عندي با خدا من عندي الصينية ديال اتاي..
رجعت هزيت الخبز والحلوى واملو..بقيت كنتسنى با يخرج عندي..وانا نسمع عمي كيقول..
-اوا اولدي خليل..ولفتي فالدوار عندنا..
-اه الحمد لله ولفت..ماكرهتش نبقا كثر ولكن خاصني ضروري نمشي.
جاوبو با..:-حنا كاعما سخينا بك..واخا مشيتي للجنان العنب..وخسرتي ليا الغرس..ولكن راك ضيف لازم نتهلاو فيك..
-سمح ليا اسي العربي..ماديرهاش مني قلة الصواب..
بقا كولشي كيضحك..وانا ندق الباب..
خرج با وخدا من عندي الكاسكروت ومشيت نفيق سارة..
-فيقي انت من امتى وانت ناعسة؟
-علاش اش واقع؟
-والو عندنا الضياف..زيدي نخرجو راه خصني نجيب الربيع للبقرة..مي راه مشات عند صاحبتي عيشة..
بزز باش فاقت ليا سارة..مشيت حطيت الماء للبقرة..وهزيت القنبة وخرجنا للجنان لي قراب من الدار..
سارة غادية وكتفوه..وصلنا هزيت المنجل كنحيد الربيع..ونجمعو وسارة مشات كتحيد اللوز وتهرسو وتجلس تاكل..
-تانيلا..
-نعم..
-امتى غنمشيو للغابة راه خاصني نضرب شي تصيورات..
-غذا ان شاء الله نمشيو..يالله.دبا نوضي راه ديك الشجرة يتمتيها مسكينة..
-بلاتي غير نهرس هاد اللوزة لي فإيدي..
هزيت الربيع ربطتو وجمعت اللحاف فوق راسي..وحطيت الربيع فوق راسي..
-سارة زيدي!!
شافت فيا وبدات كضحك..
-هههههه دبا كتباني مرا بلدية ديال بصاح.
خليتها وبقات تابعاني. تلاقيت البنات غادين العين يسكيو ..
-الله يعاونكم اتيفرخين(الله يعاونكم البنات)
نقزات سارة :-تاينلا انا غنسبقك للعين..سيري حطي الربيع فالدار ولحقي علينا.
-واخا صافي..
قربت للدار وانا ندخل للزريبة لي فيها البقرة..هزيت الربيع حطيت ليها تاكل وانا نجلس باش نحلب البقرة..
ولدها ماخلانيش..غير كنقرب ليها كيجي هاد العجل كيعذبني..
-صافي سير ..يالله..
سمعت شي صوت ورايا..وانا نتلفت..ماكيبانش ليا مزيان حيث الزريبة مافيهاش الضوء..
-لاله..الى قدرتي عطيني شوية من الحليب!
وقفت وانا نهز السطل..ارتابكت..ماعرفت ماندير..
مديت ليه السطل...وانا نسمعو كيضحك..ولكن هاد المرة الضحكة ديال البنات..اناري مال هذا..
-هاذي انت سارة!المسخوطة..كنت كضحكي عليا ياك؟
-هههههههههه تخلعتي ناري وتشوفي وجهك كيف ولا..ماتقوليش ليا كان اصحابليك هذاك؟ههممممم
هزيت صندالتي وانا نصيفطها لها على راسها.وهي كتحاول تحيد الجلابة لي لابسة..
-ناري الى شافك با هازة جلابتو غيقتلك..خرجي دغيا نرجعوها لبلاصتها..
هزيت السطل ديال الحليب..وانا نسد الزريبة ومشينا للدار..
----------------
كنت خارج من الدار ديال سي العربي.....
بانت ليا بنتو جايا هي وواحد البنت اخرى..كانت لابسة جلابة ديال الرجال..غير شافوني وهوما يتلفو..وحدة كدفع لوخرا..
-انت بغيت نهضر معاك..
شافو فيا بجوج..
-تانيلا..ممكن دقيقة..
يالله بغات تخلينا البنت لي معاها وهي تشدها..مابغيتش نضغط عليها..وانا نتحرك حتى قربت ليهم..
-مهم بغيت غير نقوليك سمحيليا على سوء تفاهم لي وقع المرة اللولة..
هزات عينيها شافت فيا ورجعات شافت فالبنت لي معاها..
وهي تقوليا:-ماشي مشكل اخويا..
زادو وخلاوني..مشيت للدار لقيت زيدان رجع من عند نسابو..ماكنتش باغي نمشي معاه باش ياخد راحتو..
-اوا كيف داز داكشي؟
-شفتها هضرنا غير شوية..واخا كانت ختها.معانا..ماخديتش راحتي..
-اوا اسيدي امتى غتعرس؟
-ماعرفت داكشي كيتكلفو بيه الواليدين..واقيلا بعد شهر ان شاء الله..اجي انت علاش ماتزوج بحالي..ونجمعو العرس ونقسمو المصاريف..

-هههههه لقيتي ليا شي وحدة تجي معايا!؟
-اه خطيبتي عندها ختها..ضريفة غادي تعجبك!
-دبا انت مشيتي تقابل خطيبتك ولا اختها؟
-هههه بيني وبينك دبا ماعجباتك حتى وحدة فالدوار؟
-مممم بلاتي نفكر..خطيبتك زوينة..
نقز عليا زيدان بغا يشنق عليا..
-واطلق اصاحبي مالك ههههه..

-دبا تقوليا ماعجباتكش خطيبتي وعجباتك وحدة اخرى ولا راني مانطلقكش..
-صافي صافي..غير طلقني..افف..ههههه..ماكنتش عارفك مغيار!
-يالله دوي قبل مانفقد اعصابي..
-ههه..فالحقيقة ماشي شي حاجة..مهم عجباتني وحدة..غير شكلا..ماعرفت..
-عرفتها والله الى عرفتها!
-شكون؟

-اسحابلك ماعايقش بيك..وانت من نهار شفتيها وانت ديما عندهم فالدار..راه خوك انا.
-لا اصاحبي..كبرتي الموضوع بزاف..انت غير سولتيني شكون لي عجباتني من بنات الدوار وجاوبتك..
-صراحة عندك الذوق..دوماج لقيتي خاطب اما نطير بها..
خنزرت فيه:-تزوجهم جوج وتهنا..

-لا انا قلبي كيبغي وحدة..واقيلا عمرك ماجربتي الحب!؟
عاودت شفت فيه وانا نتكا فوق السداري:-شنو هذا!شي حاجة كتكال؟
بان لي زيدان ساهي..وكيفرنس..ماجاوبنيش..وانا نغمض عيني..مرة مرة كنشوف فيه..صراحة ماعمرني شفتو بحال هكا..بداو الاسئلة كيدورو لي فراسي!زعما هاد الفرحة كلها حيث خطب؟ولكن انا عمرني حسيت هكا مع جويرية!..عادي كنهضر معها بحال الى كنهضر مع اختي زينب..

سولت زيدان:-صاحبي!شرح ليا شنو قلتي قبيلة!
-اه الحب..اوا باش بغيتيني نبدا لك..واخا نعيا مانشرح ليك ماغتفهمنيش الى ماجربتيهش!هو صراحة فاش كتشوف الانسان لي غتكمل معاه حياتك..كتحس بالفرحة والخوف في نفس الوقت!كتحس بقلبك كيضرب كثر من القياس!..كتبغي ديما تشوف هاد الشخص! ولكن ضروري هاد الحب اكون حلال..كتكون مرتاح وعارف راسك غادي فطريق صحيحة..

-مممم..هادشي فشكل!! -ماغتفهمنيش!حيث مامجربش! -شنو زعما علاش انا خليت شي حاجة مامجربهاش..اكيد غنكون حسيت بيه شي مرة.. -ههههه.. -مالك كضحك؟مهم الى ماجربتوش اكيد غادي نجربو..وغنعجبك فيه! -ههههههه..

إرسال تعليق

يتم التشغيل بواسطة Blogger.