البارت الرابع:
كاد الأستاذ أن يكون حبيبا‬ #قصة - الجزء 4

جمعت الضحكة..بصاح سارة بنت عمتي وصاحبتي ولكن مابغيتش نتزوج خوها..ماكنرتاحش ليه..
-هيييهو فين ساهية...بلاتي فين هي الشانطة ديالي..راني مانسيتكش..جبت معايا شلة حوايج..
-ربي يخليك ليا ..ماعمرك مانسيتيني..
جبداات سارة..حوايج عصريين..وروايح..ماكياج..وصبابط..
-هانتي..شفتي راني مانسيتكش..وانت خاشية راسك فهاد الصاية واللحاف..
-راك عارفة التقاليد..دبا هادو فين نقدر نلبسهم ملي نحرث ولا ملي نسكي الماء..؟
-هههه كضحكي عليا..هاد الماركة من الحوايج ماشي ديال التكرفيس..خاصك تهلاي فراسك شوية..
-مممم غير خليني..انا هكا مرتاحة..
-راك كتحمقي هكا..نموت انا ونعرف منين ورثي دوك العوينات عندك! كون غير عندي بحالهم..واها نعيا نقاد فيهم بالماسكارا والكحل..والو مايطلعوش بحال ديالك!
-هههه كضحكي عليا..نوضي نوجد اتاي راه اليوم مامساليينش..
انا وسارة كنبقاو ديما صحابات..بجوجنا فعمرنا 21سنة..واخا هي عايشة فبلجيكا ولكن ديما كتسول فيا وماكتبدلش جيهتي..ديما فاش كتجي ماكتخلي ماتجيب ليا..كتعجبني ماكتبدلش..ناشطة ديما...
وصلات العشية..خاصنا نلبسو نخرجو..
هزيت واحد الغندورة..وصاية كحلة مطرزة بالقهوي..واللحاف فيه الابيض ومطرز حتى هو بالقهوي..مشطت شعري وخليتو على جنب..دخلات عندي سارة كانت لابسة كسوة طويلة وحاطة اللحاف على راسها..وانا نغمزها:
-اي هاي هاي على الاناقة!
-ممم كيف كنبان!بلدية!
-كتباني زوينة..بلاتي هاكي هاد البلغة..
-شكرا احبيبة..بلاتي مادايرة والو لوجهك؟
-لا اش غندير ليه..
-اناري وانا لمن جبت داك الماكياج؟
-حماقيتي!بغيتي با ينحرني!ماكندير والو لوجهي..
مشات سارة هزات ريحة ورشات ليا منها..وهزات واحد العقد دارتو لي فعنقي وخاتم فايدي!
-صافي دبا مزيان..راني كنشوف البنات لي كيجيو من الدوار لي حداكم..كيف كيجيو مزوقات!
-وانا مالي..زيدي راه تعطلنا..راه غيكونو البنات كيتسناوني..
خرجنا انا وسارة لقينا مالين الدار سبقونا خرجو..بانت ليا توناروز جاية مع البنات..
سلمو على سارة..والعيالات سبقونا جلسو فبلايصهم..سارة شادة فيا باش ماطيحش..رديت اللحاف على وجهي..ملي دزنا حدا الرجال..جلسنا بوحدنا.
---------
-زيدان طلقنا اصاحبي..مزال مالبستي..
-بلاتي راه اليوم انشوف حبيبة القلب!
-بلاتي بلاتي علاش امتى وليتي كتحب؟
-ههههه نسيت ماقلتش ليك..راه الواليدة خطبات ليا بنت عمتي..حتى نخرجو ونوريها ليك!
-ياك وانا اخر من يعلم!
خرجنا وقفنا مع الشباب ديال الدوار..تبارك الله كل واحد جاي في ابهى حلة..انا عطاني زيدان واحد الجلابة..فالابيض..جات قدي..حيث انا كنت ناوي نلبس غير العصري..
ناضو العيالات باش اديرو احواش ديالهم..هادي هي تقاليدهم..
---------كنا كنضحكو انا والبنات ملي سارة كتبقا تعاود لينا على مغامراتها..
وقفات علينا لاله رقية..المتحدثة الرسمية باسم العيالات فالدوار..ههههه..
-يالله اتيفرخين اتحوشمتت(بالله البنات ديرو احواش)
ناضت توناروز والبنات وهي تجرني..
-اوهو هاتي سارة رتغاما واحدوت(لا راه سارة غتبقا بوحدها)
نطقات لاله رقية:-غير يالله كمي ولا نتات(غير يالله انت وياها)
شفت فسارة وحنا نوضو!
درنا جوج صفوف وتغطينا بواحد الزيف طويل كل صف جامعهم واحد الزيف..وجوج رجال جالسين فالارض هازين البندير..
بدات لاله رقية بالموال..
بدينا كنجاوبوها..وكندورو..من ديما فصغري كيعجبني نشارك فاحواش..اما دبا فاش كبرت كنلقى صعوية نصبر حيث حلقي كيبقا يضرني وكل مرة كنفيق كنلقا صوتي مشا ليا..
جاو الدراري ديال الدوار ودارو الصف حتى هوما كيشطحو..جات واحد المرا وانا نعطينا بلاصتي..وخرجنا من الفرقة انا وسارة..
-زيدي جلسي..ماخليتينيش نكمل معاهم!
-وراني عييت وزايدون ماكنقول والو..يالله كنشد معاهم الموال كنلقاهم بدلوه..
-نههههه علاه فين اتعلمي هادشي ياكما في بلجيكا؟
-باركة من الطنز..تكلمي لمك شنو بغات..
شفت فيها وكتشير ليا..
-نعم ايمي؟
-اوي تتريت هاتي تطاس ستكمي(دي تتريت للدار راه نعسات)
هزيتها وانا نشير لسارة باش تبعني..خرجت من الخيمة..شافني انير وهو يجي عندي..
-تانيلا..مانيتريت(فين غاديا)
-هاك التماك هاتي تطاس(هاك اختك راه نعسات)
شدها من عندي وخدا الساروت ديال الدار..فاش كنا راجعين للخيمة..بان ليا هذاك بنادم..لي عايرت فالواد..
------------كنت واقف مع انير..وكنتفرج فاحواش..اما زيدان مشا شاركهم الرقصة..
انير شاف شي بنات وهو يمشي..مارديتش البال حتى تلفتات البنت لي كان كيهضر معاها انير..هي دبا جاية باش دخل جيهة الخيمة..عقت بها كتحاول تخبي وجهها باللحاف باش مانعرفهاش..غير وصلات حدايا وانا نوقف ليها فالطريق...

إرسال تعليق

يتم التشغيل بواسطة Blogger.