كاد الأستاذ أن يكون حبيبا‬ #قصة - الجزء 3

البارت التالت: 

جلس حدايا زيدان..وبدا كيغوت:-مالك اصاحبي..حماقيتي..شنو كنتي باغي دير؟
شفت فيه وانا نجاوبو:-ماسمعتيهاش شنو قالت؟

-اوا راك انت لي مابغيتيش تخليها دوز!راه هنا ماشي بحال المدينة!!
-عندك الحق اصاحبي سمح ليا..
ابتاسم ليا زيدان...:

-ماشي مشكل!!
------
ملي بعدنا شوية على الواد..شفت فالبنات..وهي تهضر توناروز.
-هاتي نكي ارسكرح والو(انا مادرت والو)
-اييه والو..تجامتيين واحدويي(اه..والو غير خليتوني بوحدي)
-وا صافي اصاحبتي..

خليتهم ومشيت...دخلت لدارنا..
-تانيلا..ماحن تعطلت(تانيلا فين تعطلتي)؟
-والو ايمي غير اسيف(والو امي غير فالواد)
-يالله زري سكر امكلي(يالله دوزي طيبي الغذاء)
طيبت الغذاء وجدتو قبل مايجي عمي وبا وانير من السوق..
جلسنا تغدينا..خرجت للجمعية..حيث كنعطي دروس لمحو الامية للعيالات..فاش كنساليو..كنتجمعو انا والبنات كنتعلمو الطرز والخياطة..

اليوم سالينا بكري..رجعت للدار وجدت الكاسكروت ولحقت على البنات نسكيو الماء من البير..
-ازول تفرخين(اهلا فتيات)
-ازول تانيلا..تعطلتن(تانيلا تعطلتي)
-توناروز هام اكميي(هاكي سكي ليا)
... سكينا بقينا كنهضرو انا والبنات..ورجعنا قبل مايطيح الظلام..فاش خرجنا من طريق العين..بانو لينا الدراري جايين وحدرت راسي..البنات نقصو من الضحك..

-----------
كنا انا وزيدان وانير شي دراري غاديين نشوفو العين.ونشربو منو..ملي دازو حدانا بنات الدوار..صونات عليا جويرية..وانا لي نسيت ماتاصلتش بيها..
بعدت على الدراري حتى هضرت معاها..بانت ليا مقلقة حيث ماسولتش فيها..وهادشي ماخصوش اوقع..حيث الواليد الى عرف ماغيعجبوش الحال..ماقلتش لكم جويرية بنت عمي..وخطيبتي..تخطبنا ملي كنا صغار..عقلت على راسي كيقولو ليا غتزوج بها..كبرنا وكبرات معايا جويرية..حتى هي خدامة فاكادير في مكتب المحاماة..
مشينا جبنا دورة فالعين..صراحة الماء ديالو بارد بزاف ولذيذ واخا تبقا تشرب منو ماغتحس بالشبع..بقينا كندورو فالجنان..حتى اذن المغرب مشينا للجامع توضينا وصلينا..وطلعنا لواحد البلاصة كيجلسو فيها الرجال بالليل..قاليا زيدان بلي هنا فاش كتشد الكونكسيون..

سهرنا حتى عيينا ورجعنا انا وزيدان للدار حيث غدا غادي اكون اشي نشاط..وغادي نبقاو سهرانين..نعست مرتاح..صراحة واخا بزاف ديال الامور ناقصين فهاد البلاصة ولكن ماكتسخاش بها..

--------
فالصباح فقنا بكري لقينا الرجال كينصبو الخيام لي بقاو..عاوناهم..وجبنا الزرابي فرشناهم..واخا ماخلاونيش نعاونهم..حيث انا ضيف عندهم ولكن ماقدرتش نبقا كنتفرج..
سالينا وقت الغذاء..مشينا للجامع لقينا العيالات صفطو لينا كسكسو ولبن طبيعي..كلينا..ومشينا نرتاحو باش بالليل نكونو واجدين..

-----------
من صباح وحنا نسكيو انا والبنات الماء..حتى ضرني ضهري..ولكن ماعندنا مانديرو غير نصبرو..
كنت متكية فبيتي انا وبنت عمي تتريت الصغيرة..ملي سمعت شي اصوات فبيت الضياف..
لبست زيفي وانا نخرج كنتسلت..ملي شفت شكون جا تصدمت..

-سارة!؟جيتي؟

نقزات عليا سارة بنت عمتي وعنقاتني..
-المسخوطة توحشتك!واخا عليك..عمرك ماتاصلتي تسولي فيا..
-راه ماعنديش تلفون الحمقة..وزايدون ياك انت فالخارج راه مانقدرش نتواصل معاك..
شفت فعمتي..ومشيت سلمت عليها..

سارة حيث ماكتسكتش مشات عنقات بابا وقالت ليه:-خالي..سكر تلفون ا تانيلا(خالي شري تلفون لتانيلا)
-هههه ماراسيس تسكار(شنو غدير بيه)
بابا وعمتي وماما ومرت عمي دخلو لبيت ضياف وانا وسارة دخلنا لبيتي..
-توحشتك الموصيبة ماقلنيش لينا اتجي هاد الصيف!

-ممم اوا هاد العام خديت دبلوم ديالي وقلت بلاتي نجي نشوفكم..مابفيتش نخلي ماما تجي بوحدها..
-ممم مزيان..اوا شنو جديدك مزال ماتزوجتيش؟
-تانيلا..مالكي على هاد السؤال انا مزال صغيرة..وزايدون خاصك تزوجي انت اللولة..راه خويا بدر عيا مايتسنى فيك!
جمعت الضحكة ديالي..

إرسال تعليق

يتم التشغيل بواسطة Blogger.